martes, 30 de junio de 2026
Anteproxecto de Lei de educación dixital
Rueda anuncia a aprobación do anteproxecto de Lei de educación dixital, unha norma pioneira en España que consolidará o modelo galego de ensino híbrido
Uso da intelixencia artificial
A lei dedica un capítulo enteiro aos usos permitidos e prohibidos da intelixencia artificial na educación, facendo fincapé en que poderán empregarse os sistemas de IA cun carácter auxiliar ou de apoio na toma de decisións educativas, pero sempre baixo supervisión humana. Tal e como explicou Alfonso Rueda, Galicia convértese así na “primeira comunidade autónoma en regular a IA no ensino co obxectivo de aproveitar as súas potencialidades e minimizar os seus riscos”.
A este respecto, faise fincapé en que a intelixencia artificial pode ser unha ferramenta útil para facilitar a detección temperá de dificultades de aprendizaxe e proporcionar recursos educativos adaptados ao nivel e ritmo de aprendizaxe do estudante. Tamén para xerar ou adaptar materiais de apoio educativo.
No entanto, en ningún caso se poderá empregar a IA para a toma de decisións académicas, organizativas e administrativas e nunca poderá substituír a intervención directa e a capacidade de decisión do profesorado. Isto garante que o criterio final na avaliación do alumnado recaerá sempre no profesorado, isto é será o docente o que teña a decisión última ao respecto. Ademais, prohíbese o uso de sistemas de IA que impliquen recoñecemento facial, análise emocional ou seguimento biométrico, entre outros. En todo caso, os centros educativos só poderán empregar ferramentas dixitais autorizadas pola Consellería de Educación.
Desconexión e adecuación por idades
Galicia, recordou Rueda, será tamén a “primeira comunidade autónoma en regular o dereito á desconexión dixital do alumnado fóra do horario lectivo”, incorporando ao ámbito educativo un dereito que xa opera no ámbito laboral.
O uso da tecnoloxía nas aulas adecuarase en función da etapa educativa e da madurez do alumnado. Así pois, o uso dos medios dixitais en Infantil e nos dous primeiros ciclos de Primaria limitarase a un uso colectivo e “o uso individual comezará a partir de 5º de Primaria”. Paralelamente, “o uso do móbil para fins pedagóxicos permitirase unicamente a partir de 3º da ESO, non en calquera curso como ata agora”, indicou.
Gravación das clases e docencia virtual
Alfonso Rueda explicou tamén que a norma recolle as condicións de gravación das sesións educativas e a docencia virtual, facendo fincapé no dereito do profesorado a exercer a súa actividade docente en condicións de respecto e de seguridade nas contornas dixitais do mesmo modo que acontece nas contornas físicas da aula e do centro.
Así pois, establécese que, salvo autorización expresa, “queda prohibida a gravación en audio ou vídeo das sesións de clase, titorías ou calquera outra actividade docente, tanto se son presenciais coma se se desenvolven por medios virtuais”, por parte de alumnos, familias e persoas alleas ao persoal docente. Queda prohibida tamén a súa reprodución ou difusión mediante redes sociais, servizos de mensaxería instantánea ou calquera outro medio dixital.
Non obstante, poderanse gravar clases e actividades con finalidade didáctica unicamente ou de seguimento académico, garantindo en todo caso o respecto aos dereitos fundamentais das persoas participantes. Isto está pensado para casos moi concretos como, por exemplo, un alumno cego que non pode seguir a clase e pide gravala para despois seguila na casa, ou clases de instrumentos nos conservatorios.
Exames en redes sociais e comunicacións coas familias
Así mesmo, a lei blinda que a actividade educativa dos estudantes se realice en condicións de dignidade, privacidade e respecto no ámbito dixital. Neste sentido, o profesorado non poderá utilizar, nas súas redes sociais ou medios dixitais persoais, nin imaxes, nin voz nin outros datos persoais do alumnado derivadas de actividades escolares, incluídos os exames, complementarias ou extraescolares, agás que exista autorización expresa.
No que atinxe á comunicación entre os centros educativos e as familias, só se poderá facer por medios autorizados pola Xunta. Isto é, a través de ferramentas como Abalar e non a través de grupos de WhatsApp, por exemplo.
Por outra parte, a Xunta dotará de identidade dixital todo o alumnado de centros públicos a partir de 5º de Primaria a través dunha conta de correo oficial, cun uso acoutado a fins exclusivamente educativos, e non terá carácter privado. O obxectivo é que, naquelas situacións formativas nos centros nas que sexa precisa unha identidade dixital, os estudantes poidan usar unha corporativa baixo parámetros de seguridade e privacidade.
Autoridade pública do profesorado e formación
Por outra parte, o titular da Xunta explicou que “se estende á contorna dixital a condición de autoridade pública do profesorado que xa opera na aula”. A partir da entrada en vigor da nova Lei de educación dixital, esta condición recoñecida xa na Lei de convivencia e participación da comunidade educativa será igualmente aplicable ás interaccións e actividades que o profesorado desenvolva a través de medios dixitais no exercicio das súas funcións docentes.
Formación do profesorado
No que atinxe á formación do profesorado, o texto inclúe como obrigatoria a formación dixital dos docentes en competencias que se consideren estratéxicas, e tamén se valorará estes coñecementos dixitais como méritos nos procesos selectivos.
Así mesmo, co obxectivo de garantir a coherencia entre a formación inicial nas facultades e a formación permanente nas aulas, facilitarase a formación do profesorado universitario en das facultades de educación en materia de ensino dixital.
jueves, 18 de junio de 2026
Máis do 92% das familias ve importante que exista unha lei que regule o uso da tecnoloxía na educación
Enquisa: https://www.ige.gal/web/mostrar_actividade_estatistica.jsp?codigo=0705
O 92,2% das familias con fillos e fillas escolarizados na nosa Comunidade considera importante que exista unha lei que regule o emprego da tecnoloxía no ensino. Así se recolle na enquisa Dixitalización do sistema educativo en Galicia, realizada polo Instituto Galego de Estatística a petición da Consellería de Educación, Ciencia, Universidades e FP para coñecer a opinión das familias no proceso de elaboración da futura Lei de educación dixital de Galicia.
O conselleiro de Educación, Román Rodríguez, e o director do Instituto Galego de Estatística, Juan Carlos Reboredo, presentaron hoxe os resultados desta sondaxe, que avalía tamén cuestións como a valoración do modelo de ensino híbrido, o uso das plataformas educativas ou a restrición dos móbiles nos centros de ensino, entre outros.
O titular do departamento educativo da Xunta destacou que a finalidade desta enquisa é “comprobar a opinión das familias, unha medida máis para garantir a maior participación na elaboración da Lei de educación dixital, a máis participativa na historia de Galicia, pioneira a nivel estatal e que aprobaremos no Consello da Xunta este mes”.
A este respecto, sinalou que a Consellería de Educación está completando os últimos trámites para levar a normativa á reunión semanal do Goberno galego e darlle así traslado ao Parlamento. “A gran cantidade de achegas presentadas dá conta do interese que está a suscitar esta lei e esta enquisa aválao”, sinalou o conselleiro. Neste sentido, indicou que a Consellería percibe unha intensa preocupación das familias arredor de cuestións como o uso da tecnoloxía nas aulas. “Escoitando estas demandas puxemos en marcha medidas como a prohibición dos móbiles, que tiveron unha gran acollida e que tamén referenda esta sondaxe, cunha aceptación do 93% das familias”, salientou.
Ademais, no que atinxe ás redes sociais, o 93% estima axeitado establecer restricións no acceso aos menores de 16 anos. De feito, o 51,3% das familias usa mecanismos de control parental de forma habitual, especialmente na ESO (62,6%) e Primaria (61,2%).
“Coa Lei de educación dixital queremos ir máis aló, elaborando un texto amplo que recolle todo tipo de circunstancias que se poden dar no uso das novas tecnoloxías e a intelixencia artificial nas aulas, desde o dereito á desconexión dixital ata a posibilidade de facer exames virtuais, pasando pola protección de datos”, incidiu Román Rodríguez.
Aposta polo modelo híbrido
Precisamente, unha das prioridades da futura lei é o reforzo do modelo híbrido do ensino xa avanzado, por exemplo, coas melloras introducidas no programa E-Dixgal. Neste sentido, o 86,6% das familias galegas aposta por este modelo nas aulas, combinando deste xeito os recursos dixitais e tradicionais convivindo en equilibrio.
A valoración das familias respecto á integración das tecnoloxías no modelo pedagóxico é maioritariamente positiva e, de feito, o 73,1% considera que as actividades dixitais están ben integradas co resto das tarefas e o 73,3% valora positivamente o uso que fai o profesorado destas ferramentas para contribuír ao proceso de aprendizaxe.
Así mesmo, o 65% das familias considera que as iniciativas de dixitalización educativa están a ter unha repercusión positiva na competencia dixital do alumnado. Deste xeito, máis do 75% percibe que os seus fillos saben manexar as plataformas dos centros, teñen autonomía no uso de ferramentas básicas ou saben organizar as tarefas dixitais.
A valoración descende ata o 64% cando se trata da busca de información fiable en Internet e do uso seguro da tecnoloxía. En liña con este resultados, a principal demanda das familias para mellorar o uso educativo das tecnoloxías e a formación en seguridade (63,1%). Outras demandas inclúen a formación ás familias (32,4%), maior orientación ao profesorado (26,9%) e unha normativa máis clara sobre o uso do móbil (23,5%).
Cómpre salientar que estas demandas terán resposta na futura Lei de educación dixital que, entre outras cuestións, recolle medidas como a limitación do uso pedagóxico do teléfono móbil, que non se incluirá ata 3º de ESO -ata o de agora ese uso está permitido con carácter xeral-, a adecuación do uso da tecnoloxía nas aulas en función da etapa e a madurez do alumnado ou máis formación para os docentes. Así mesmo, xa se está a intensificar a formación para as familias a través de diferentes xornadas e programas.
Desconexión dixital
En canto ao uso concreto das tecnoloxías, os proxenitores perciben que é habitual, cunha intensidade que aumenta a medida que avanza o nivel educativo, de tal forma que o 64,9% do alumnado galego utiliza as tecnoloxías dixitais no centro educativo de forma frecuente ou moi frecuente. Esta tendencia é máis elevada en Formación Profesional (79%), Bacharelato (78,5%) e ESO (78,5%), mentres que en infantil baixa ata o 30,6%.
Neste senso, o 63,3% do alumnado galego utiliza de forma habitual plataformas dixitais educativas do centro. Entre aqueles alumnos que utilizan plataformas dixitais (80,9%), os usos máis frecuentes son a comunicación entre profesorado e alumnado (69,6%), o envío e entrega de tarefas (68,3%) e a avaliación (64,8%). De feito, o 86% do alumnado galego realiza, ben de forma habitual ou esporádica, algunha tarefa escolar utilizando tecnoloxía, xa sexa no centro ou no fogar, cun uso menor en Infantil (63,5%) e Primaria (73,5%) é case universal no resto das etapas. Con todo, as familias pensan que se pode mellorar o tempo dedicado a estas tarefas e, en concreto, o 51,5% considera axeitado o tempo que o alumnado dedica as tarefas, mentres que un 30,1% o percibe excesivo.
A este respecto, cómpre sinalar que o texto da lei regula por primeira vez o dereito á desconexión dixital do alumnado fóra do horario lectivo. Tamén fixa que a comunicación entre os centros e as familias só se poida realizar por medios autorizados pola Xunta. Isto é, a través de ferramentas institucionais como Abalar e non WhatsApp.
A día de hoxe, tal e como recolle a sondaxe, a comunicación dixital entre as familias e os centros é case universal, de tal forma que o 98,4% das familias emprega aplicacións como AbalarMobil. A valoración destas ferramentas é moi positiva: para o 92,3% das persoas son bastante ou moi útiles; o 91,6% non teñen dificultades para empregalas; o 90,8% non considera excesivo o número de mensaxes ou notificacións que recibe, e o 87,9% sinala que melloran a rapidez coa que reciben información do centro.
Uso doméstico
Ademais das preguntas sobre educación dixital, incorporáronse preguntas de contexto, entre elas o uso doméstico das novas tecnoloxías. Os datos compilados indican que os fogares do alumnado presentan un alto nivel de acceso e equipamento dixital, con acceso a internet no 99,3% dos casos. O 83,1% dispón dalgún dispositivo electrónico para uso escolar, con maior porcentaxe a medida que avanza o nivel educativo.
En relación coas competencias dixitais das familias para apoiar aos seus fillos, o 86,9% declara dispoñer dun nivel aceptable. Tamén resulta relevante a dispoñibilidade no fogar dun espazo axeitado que favoreza o estudo, co que contan o 85,1% das familias.
A enquisa realizouse de forma telefónica a un total de 1.108 persoas con algún fillo matriculado en ensinanzas non superiores en Galicia (excluíndo estudos universitarios e FP superior) entre o 13 e o 30 de marzo. Tívose en conta a distribución territorial, o tamaño do municipio de residencia e aplicáronse cotas de nivel de ensinanzas dos fillos.
jueves, 21 de mayo de 2026
Resolución provisional de centros participantes no proxecto Educación Dixital de Galicia (E-Dixgal) durante o curso 2026/27
Resolución provisional de centros participantes no proxecto Educación Dixital de Galicia (E-Dixgal) durante o curso 2026/27
Mér, 20/05/2026 - 13:46
Resolución do 29 de abril de 2026
Resolución provisional de centros participantes
Continúan 591 centros no proxecto E-Dixgal para o curso 2026/27
miércoles, 13 de mayo de 2026
Proxecto E-Dixgal no curso 2026/27: regulación e convocatoria para novos centros
Achégase Resolución do 29 de abril de 2026, da Dirección Xeral de Ordenación e Innovación Educativa pola que se regula o proxecto Educación Dixital de Galicia (E-Dixgal) e a convocatoria para a selección de novos centros participantes para o curso 2026/27
O prazo de presentación de solicitudes abrangue dende o 30 de abril ata o 9 de maio
Todas as solicitudes realizarase a traves do aplicativohttps://www.edu.xunta.gal/programaseducativos/
martes, 5 de mayo de 2026
jueves, 30 de abril de 2026
Proxecto E-Dixgal no curso 2026/27: regulación e convocatoria para novos centros
Achégase a Resolución do 29 de abril de 2026, da Dirección Xeral de Ordenación e Innovación Educativa pola que se regula o proxecto Educación Dixital de Galicia (E-Dixgal) e a convocatoria para a selección de novos centros participantes para o curso 2026/27
O prazo de presentación de solicitudes abrangue dende o 30 de abril ata o 9 de maio
Todas as solicitudes realizaranse a traves do aplicativo: https://www.edu.xunta.gal/programaseducativos/
martes, 28 de abril de 2026
Anteproxecto de Lei de educación dixital de Galicia
Documentos relacionados
- Anteproxecto de Lei de educación dixital de Galicia Formato PDF. 416 KB.
Órgano ou entidade tramitadora: Consellería de Educación, Ciencia, Universidades e Formación Profesional
Departamento: Consellería de Educación, Ciencia, Universidades e Formación Profesional
Inicio da tramitación: 10/02/2025
Obxecto:
Establecer o marco para o desenvolvemento e integración da educación dixital no sistema educativo da Comunidade autónoma de Galicia promovendo o acceso equitativo ás tecnoloxías da información e da comunicación (en diante TIC) como ferramentas esenciais para a aprendizaxe, a inclusión, a innovación e o desenvolvemento integral do alumnado, o desenvolvemento das competencias dixitais e a transformación pedagóxica e organizativa dos centros educativos.
Para estes efectos, a lei define un modelo de dixitalización educativa baseada nun modelo híbrido e fundamentada na equidade no acceso, na formación continua do profesorado, no uso educativo crítico e seguro das tecnoloxías, na creación de contidos dixitais de calidade e no respecto á diversidade cultural e lingüística de Galicia, coa promoción activa do uso da lingua galega en todos os ámbitos da educación dixital.
Estado actual: En prazo de envío de suxestións
Prazo para remitir suxestións: 23/04/2026 - 18/05/2026
lunes, 23 de febrero de 2026
.png)
viernes, 30 de enero de 2026
cREAgal
Explora cREAgal
Los recursos cREAgal son recursos educativos abiertos (REA) elaborados por profesorado gallego. Estos REA desarrollan íntegramente el currículo de cada materia y se basan en situaciones de aprendizaje en las que se propone un reto para el alumnado. En el repositorio se encuentran los recursos para el alumnado y las correspondientes guías didácticas para el profesorado, donde se explica cómo aplicarlos en el aula y su relación con la programación de ejemplo de PROENS.
